पुणे : महाराष्ट्रात राहणाऱ्या जनतेला लवकरच दिलासा मिळणार आहे. गेल्या तीन महिन्यांपासून वाढत्या उन्हाचा कहर लवकरच थांबणार आहे. मान्सून ५ जूनला महाराष्ट्रात दाखल होणार आहे. भारतीय हवामानशास्त्र विभागाने (IMD) हा अंदाज व्यक्त केला आहे. दक्षिण पूर्व मान्सून १६ मे रोजी अंदमानमध्ये म्हणजेच बंगालच्या उपसागरात दाखल झाला आहे. यासोबतच केरळमध्ये पुढील आठवड्याच्या अखेरीस मान्सून सुरू होईल, असे हवामान खात्याने म्हटले आहे. महाराष्ट्राबाबत आता हवामान खात्याने 5 जून ते 8 जून दरम्यान मान्सून दाखल होणार असल्याचा अंदाज वर्तवला आहे.
राज्यातील खरीप हंगामाचा आढावा घेण्यासाठी बोलावलेल्या बैठकीत भारतीय हवामानशास्त्र विभागाचे तज्ज्ञ के.एस.होसाळीकर यांनी ही माहिती दिली आहे. यावेळी खरीप पिकासाठी आवश्यकतेनुसार पाऊस पडणार की नाही, या मुद्द्यावर बैठकीचे आयोजन करण्यात आले होते. प्रश्न होते की यावेळी संपूर्ण महाराष्ट्रात सरासरीपेक्षा जास्त पाऊस पडेल की सरासरी असेल की कमी? यासोबतच के. एस. होसाळीकर यांनी संपूर्ण महाराष्ट्र मान्सूनच्या आगमनाची वाट पाहत असून, राज्यात मान्सुन कधी दाखल होईल, याचीही माहिती दिली. 5 जून रोजी कोकणात मान्सूनचे आगमन होणार असून, आगमनाची तारीख 7-8 जूनपर्यंत आहे.
हे देखील वाचा : १०० मिमि पाऊस झाल्याशिवाय शेतकर्‍यांनी चाढ्यावर मूठ ठेऊच नये; कृषिमंत्र्यांचा शेतकर्‍यांना महत्वाचा सल्ला; जाणून घ्या सविस्तर
या बैठकीत के.एस.होसाळीकर यांनी दिलेल्या माहितीनुसार, 5 जूनपर्यंत कोकण महाराष्ट्राच्या किनारपट्टीच्या भागाजवळ धडकेल आणि 7-8 जूनपर्यंत महाराष्ट्रातील अनेक भाग व्यापेल. भारतीय हवामानशास्त्र विभागाने दिलेल्या माहितीनुसार, 16 मे रोजी अंदमानात दाखल झालेला मान्सून 27 मे रोजी केरळमध्ये दाखल होईल.
मराठवाडयातही सरासरीपेक्षा जास्त पाऊस पडेल
अनेकदा दुष्काळाने होरपळणाऱ्या महाराष्ट्रातील मराठवाड्यासाठी यावेळी आनंदाची बातमी आहे. येथेही सरासरीपेक्षा जास्त पाऊस पडेल, असा अंदाज हवामान खात्याने वर्तवला आहे. संपूर्ण महाराष्ट्राबद्दल बोलायचे झाले तर यावेळी चांगला पाऊस होणार आहे.
20 मे नंतर महाराष्ट्राच्या दक्षिण भागात पाऊस
जूनच्या दुसऱ्या आठवड्यापर्यंत चांगला पाऊस पडेल अशी अपेक्षा आहे. २० मे नंतर महाराष्ट्राच्या दक्षिण भागात पाऊस पडण्याची शक्यता आहे. त्यामुळे मान्सूनपूर्व पाऊस असल्याने महाराष्ट्रात पाऊस पडेल. 26 मे पासून सुरू होईल. मान्सूनचा विषुववृत्त प्रवाह मजबूत आहे आणि तो वेळेवर पोहोचेल अशी अपेक्षा हवामान खात्याने व्यक्त केली आहे. परंतु महाराष्ट्राला आत्तापर्यंत नेमकी तारीख सांगणे शक्य नाही. मान्सूनची सुरुवात साधारण जुनच्या दुसऱया आठव़डयात असली तरी, महाराष्ट्राच्या अनेक भागांत मान्सूनपूर्व पाऊस लवकरच सुरू होईल.