कोकण, गोवा आणि मध्य महाराष्ट्रात काही ठिकाणी पावसाची शक्यता आहे. उर्वरित भागात हवामान कोरडे राहणार आहे. 27 ते 31 मार्च दरम्यान कोकण, गोवा, मध्य महाराष्ट्र, मराठवाडा आणि विदर्भात कोरडे हवामान राहण्याचा अंदाज हवामान खात्याने वर्तवला आहे. अशा स्थितीत तापमानात वाढ होऊन उष्णतेची लाट येणार आहे.
पुढील दोन दिवस महाराष्ट्रातील कोकण भागात पाऊस पडेल, असा अंदाज वर्तवण्यात आला आहे. उर्वरित राज्यात उष्णतेची लाट आली आहे. पुढील दोन दिवस सिंधुदुर्ग-रत्नागिरी जिल्ह्यासह संपूर्ण कोकणात विजांच्या कडकडाटासह पावसाचा इशारा देण्यात आला आहे. राज्याच्या उर्वरित भागात चार दिवस तापमानात वाढ होण्याची शक्यता आहे. गेल्या अनेक दिवसांपासून राज्यातील अनेक शहरांमध्ये कमाल तापमानाने ४१ अंश सेल्सिअसचा टप्पा ओलांडला आहे. 27 ते 31 मार्च दरम्यान मध्य महाराष्ट्र, मराठवाडा आणि विदर्भात कोरडे हवामान राहण्याची शक्यता आहे. राज्यात अधूनमधून वारे वाहत आहेत. अशा स्थितीत तापमानात वाढ आणि उष्णतेची लाट येण्याची शक्यता हवामान खात्याने व्यक्त केली आहे.
या भागात तापमान सरासरीपेक्षा जास्त आहे
गेल्या २४ तासांत मध्य महाराष्ट्रातील काही भागात पाऊस झाला. शेजारील गोवा, महाराष्ट्रातील कोकण, मराठवाडा आणि विदर्भात हवामान कोरडे आहे. विदर्भात काही ठिकाणी कमाल तापमानात सरासरीपेक्षा जास्त वाढ झाली आहे. मध्य महाराष्ट्रातील काही ठिकाणी तापमानात सरासरीपेक्षा जास्त वाढ झाली आहे. कोकणासह विदर्भ आणि मराठवाड्यात अनेक ठिकाणी आणि गोव्यात काही ठिकाणी कमाल तापमानात सरासरीपेक्षा जास्त वाढ झाली आहे. राज्यातील उर्वरित भागात कमाल तापमानाची नोंद सरासरीनुसार झाली आहे.
राज्याच्या विविध भागात तापमान
राज्यात सर्वाधिक तापमान विदर्भात दिसून येत आहे. विदर्भात अकोला ४२.३, अमरावती ४०.२, बुलढाणा ३९.५, चंद्रपूर ४०.८, गडचिरोली ३६.२, गोंदिया ३८, नागपूर ३८.४, वर्धा ४०, वाशीम ४१ आणि यवतमाळ ४० अंश से.
उर्वरित महाराष्ट्राबाबत बोलायचे झाले तर सध्या परभणी ३९.७, पुणे ३७.४, सोलापूर ३९, ठाणे ३९, उस्मानाबाद ३८.९, नांदेड ३९.४, नाशिक ३७.८ आणि मुंबई ३३.१ अंश सेल्सिअस तापमान आहे.