शेतात सेल्फी काढा अन् ११ हजार रुपये मिळवा!

पुणे : पंतप्रधान पीक विमा योजनेबाबत शेतकर्‍यांमध्ये जागरुकता निर्माण करण्यासाठी शासनातर्फे विविध उपक्रम राबविण्यात येत आहेत. याच अंतर्गत आता ‘मेरी पॉलिसी, मेरे हाथ’ (माझी पॉलिसी, माझे हाथ) फोटोग्राफी स्पर्धा आयोजित करण्यात आली आहे. या अंतर्गत शेतकरी किंवा कोणत्याही सर्वसामान्य नागरिकांना पंतप्रधान पीक विम्याच्या लाभार्थ्यांसह फोटो काढून www.mygov.in वर अपलोड करावे लागतील. विजेत्याला ११ हजार रुपये तर दुसर्‍या क्रमाकांवर येणार्‍यास ७ हजार रुपयांचे बक्षिस मिळेल.

सीएससी केंद्रे, कृषी केंद्रे, कृषी कार्यालये आणि शेतजमिनी पार्श्वभूमीत ठेवून शेतकरी हे फोटो पंतप्रधान पीक विमा योजना लाभार्थ्यांसह www.mygov.in  वर अपलोड करू शकतात. याशिवाय सर्वसामान्य नागरिक या स्पर्धेत भाग घेऊ शकतात. यासाठी तुम्हाला १८ नोव्हेंबरपर्यंत नोंदणी करावी लागेल. या स्पर्धेसाठी अर्ज करू इच्छिणार्‍यांनी सर्वप्रथम www.mygov.in ला भेट द्यावी लागेल. येथे त्यांना त्यांचे नाव, ईमेल आयडी आणि मोबाईल क्रमांक भरून नोंदणी करावी. यानंतर माझी पॉलिसी माझे हात फोटोग्राफीवर लॉगिन करावी लागेल. यानंतर तुम्हाला डू दिस टास्क या पर्यायावर क्लिक करावे लागेल. हे पेज ओपन होताच तुम्हाला तुमचे फोटो अपलोड करावे लागतील.

मार्गदर्शक तत्त्वे
या स्पर्धेत सहभागी होण्यासाठी कोणतेही प्रवेश शुल्क नाही.
सहभागींना फक्त त्यांच्या जिल्हा/ब्लॉक/राज्यातील लाभार्थींसोबत सेल्फी सबमिट करायचा आहे.
स्पष्टपणे दिसणारा दूरवरचा सेल्फी स्वीकारला जाईल.
फक्त रंगीत जिओ-टॅग केलेले फोटो/सेल्फी स्वीकारले जातील
जिओ-टॅग केलेले फोटो/सेल्फी (जास्तीत जास्त 10MBआकाराचे) ऑनलाइन अपलोड करायचे आहेत.
मूळ प्रतिमेचा आकार किमान 2MB असावा.
प्रत्येक राज्य/केंद्रशासित प्रदेशातून शॉर्टलिस्ट केलेल्या विजेत्यांना त्यांचे मूळ छायाचित्र सबमिट करण्यासाठी ईमेल, एसएमएस आणि कॉलद्वारे सूचित केले जाईल
सबमिट केलेल्या प्रतिमा केवळ  JPG, PNG किंवा PDF फॉरमॅटमध्ये असू शकतात
फोटोशॉप केलेले, कॉम्प्युटर मॉर्फ केलेले किंवा संपादित केलेले फोटो/सेल्फी स्वीकारले जाणार नाहीत.
हे फोटो यापूर्वी कोणत्याही प्रिंट किंवा डिजिटल माध्यमात प्रकाशित झालेले नसावेत.
प्रवेशामध्ये कोणताही उत्तेजक, आक्षेपार्ह किंवा अनुचित मजकूर नसावा.
विजेत्यांची निवड MoA&FW ने नियुक्त केलेल्या समितीच्या पॅनेलद्वारे केली जाईल आणि त्यांच्या निर्णयाचा विचार केला जाईल
निकाल MyGov पोर्टलद्वारे घोषित केले जातील.