जळगाव : डिझेल आणि पेट्रोलच्या वाढलेल्या किमतीच्या पार्श्वभूमीवर केंद्र सरकारने खरीप हंगामाच्या सुरुवातीलाच शेतकऱ्यांना मोठी भेट दिली आहे. केंद्र सरकारने डिझेलच्या दरात सात रुपयांपर्यंत कपात केली आहे. डिझेलच्या दरात कपात केल्याने शेतकऱ्यांसाठी अनेक फायदे होतील. कारण या हंगामात शेतात नांगरणी करण्यासाठी ट्रॅक्टरचा वापर केला जातो. शेतकऱ्यांना यापुढे ट्रॅक्टरने नांगरणी करण्यासाठी डिझेलसाठी जास्त पैसे मोजावे लागणार नाहीत. त्यामुळे शेतकरी मोठ्या खर्चातून वाचतील. शेतकऱ्यांनी बचत केली तर शेतीच्या खर्चात घट होईलही, सोबतच त्यांचे उत्पन्नही वाढेल. सरकारच्या डिझेलच्या दरवाढीच्या निर्णयाचे शेतकरीही स्वागत करत आहेत.
विशेष म्हणजे डिझेलच्या वाढलेल्या किमतीमुळे सर्वसामान्यांबरोबरच शेतकऱ्यांनाही प्रचंड त्रास सहन करावा लागत होता, उन्हाळ्यात वीज नसल्यामुळे शेतकरी डिझेल पंपाचा वापर करत होते. यादरम्यान, शेतकऱ्यांना महागडे डिझेल खरेदी करावे लागले. मात्र आता भावात कपात झाल्यानंतर शेतकऱ्यांचा सिंचनाचा खर्च कमी होणार आहे. त्यामुळे शेतकऱ्यांना मोठा दिलासा मिळणार आहे. विशेष म्हणजे केंद्र सरकारने शनिवारी पेट्रोल आणि डिझेलवरील उत्पादन शुल्कात कपात केली आहे. पेट्रोलमध्ये प्रतिलिटर 8 रुपये आणि डिझेलमध्ये 6 रुपयांची कपात जाहीर करण्यात आली होती. त्यानंतर त्यांची किंमत कमी झाली आहे. उत्पादन शुल्कात कपात केल्यानंतर पेट्रोलचे दर ९.५ रुपयांनी तर डिझेलचे दर ७ रुपयांनी कमी झाले आहेत.
शेतकऱ्यांना दिलासा मिळेल
डिझेलच्या दरात कपात झाल्यामुळे मच्छीमार शेतकऱयांनाही मोठा दिलासा मिळाला आहे. अनेक शेतकरी तंत्रज्ञानाने मत्स्यपालन करतात. नवीन तंत्रज्ञानाद्वारे मत्स्यपालन करण्यासाठी २४ तास वीज लागते. वीज अखंडित ठेवण्यासाठी पावसाळ्यात डिझेल जनरेटर चालवावे लागतात. या काळात डिझेलचा वापर वाढतो. महागडे डिझेल विकत घ्यावे लागते. मात्र आता डिझेल स्वस्त झाल्यानंतर त्यांना नक्कीच काहीसा दिलासा मिळणार आहे.
मशागतीचा खर्च वाचेल
खरीप हंगामात भात पेरणी करताना शेताची नांगरणी व्यवस्थित करावी लागते. ट्रॅक्टर तासनतास धावतो. यामध्ये डिझेलचा वापर होतो, डिझेल महागले तर भाड्याने ट्रॅक्टरवर नांगरणी करणे शेतकऱ्यांना चांगलेच महागात पडते. मात्र आता खरीप हंगाम सुरू होणार असल्याने डिझेलचे दर कमी झाल्यास छोट्या शेतकऱ्यांना मोठा दिलासा मिळणार आहे.