पुणे : देश गव्हाचे दोन प्रमुख पुरवठादार असलेल्या युक्रेन आणि रशिया या दोन्ही देशांमध्ये युध्दाचा भडका उडाल्यानंतर गत तीन-चार महिन्यांपासून दोन्ही देशांमध्ये तणावपूर्ण स्थिती आहे. या युध्दाचा परिणाम जगाच्या अन्नधान्य साखळीवर देखील पडला आहे. अलिकडच्या काही महिन्यांत जागतिक गव्हाच्या किमती मोठ्या प्रमाणात वाढल्या होत्या. यापार्श्‍वभूमीवर देशाच्या एकूण अन्नसुरक्षेचे व्यवस्थापन करण्यासाठी भारताने गव्हाच्या निर्यात धोरणावर ठोस भुमिका घेतल्यामुळे स्थानिक बाजारपेठेत गव्हाचे दर स्थिरावले आहेत.
रशिया आणि युक्रेनमधील तणावाचे रूपांतर पूर्ण युद्धात झाले, गव्हाच्या निर्यात मागणीला चालना मिळाली, परिणामी स्थानिक बाजारपेठेत मुख्य अन्नधान्याच्या किमती उच्चांकी पातळीवर पोहचल्या. त्याचवेळी यावर्षी रब्बी कापणीच्या अगोदर भारतातील अनेक गहू पिकवणार्‍या प्रदेशांमध्ये उष्णतेच्या लाटांच्या अनेक फेर्‍यांमुळे पीक उत्पादनावर परिणाम झाला. यामुळे देशात गव्हाचे दर उच्चांकी पातळीवर पोहचले.
यानंतर भारताने गव्हावर निर्यात बंदी आणली. भारतातील सध्याची गव्हाची किंमत केंद्राच्या हस्तक्षेपानंतर २,०१५ रुपये प्रति क्विंटलच्यावर आहे. गव्हाच्या धान्याच्या निर्यातीवर बंदी घातल्यानंतर, केंद्राने आता गव्हाचे पीठ निर्यात आणि मैदा, रवा, संपूर्ण आटा आणि परिणामी आटा यांसारख्या इतर संबंधित उत्पादनांच्या निर्यातीवर निर्बंध घातले आहेत. परिणामी गव्हाच्या किंमती स्थिर झाल्या आहेत.