नवी दिल्ली : मेरठ येथे भरलेल्या अखिल भारतीय किसान मेळा आणि कृषी उद्योग प्रदर्शनात गोलू टू (२) नावाचा म्हैस रेडा सर्वांचे लक्ष वेधून घेत आहे. या रेड्याचे वैशिष्ठ म्हणजे, याची उंची उंची साडेपाच फूट तर लांबी १४ फूट आहे. गोलूच्या शरीराचे वजन दीड टन आहे. या म्हैस रेड्याची किंमत तब्बल १० कोटी रुपये आहे. हा रेडा त्याच्या मालकाला दरवर्षी लाखों रुपयांची कमाई करुन देतो. गोलूच्या शेतकर्याला पशुपालनाच्या क्षेत्रात पद्मश्रीही मिळाली आहे.
हरियाणातील पानिपतमधील दिदवाडी गावातील शेतकरी नरेंद्र सिंह यांच्या मालकीचा गोलू नेहमी देशभरात चर्चेत राहतो. नरेंद्र सिंह यांनी दिलेल्या माहितीनुसार, गोलू २ चे वय आता साडेचार वर्षे आहे. गोलू २ चे आजोबा गोलू वन होते आणि वडील पीसी ४८३ होते, जे हरियाणा सरकारला भेट म्हणून देण्यात आले होते. नरेंद्र सिंह म्हणतात की, आम्ही गोलूचे पालनपोषण म्हशीसारखे नाही तर आपल्या मुलासारखे करतो. संपूर्ण कुटुंब आणि पाच नोकर गुंतलेले आहेत, जेणेकरून त्याचे चालणे चांगले आणि पालनपोषण चांगले होईल. हरियाणातील एका शेतकर्याने गोलू २ च्या बदल्यात २० एकर जमीन देण्याची ऑफर दिली होती, परंतु त्यांनी नकार दिला.
गोलू २ ची ही खासियत आहे
मुर्राह ही म्हशीची जात आहे.
शरीराचे वजन दीड टन असावे.
उंची साडेपाच फूट आहे.
लांबी १४ फूट आहे.
वीर्याचे ७००-८०० डोस दर आठवड्याला विकावे.
१०० रुपयांपासून ३०० रुपयांपर्यंत वीर्य विकले जाते.
फेब्रुवारी ते जुलै या काळात वीर्य सर्वाधिक विकले जाते.
गोलू २ चा खुराक
सुका हिरवा चारा – ३० किलो
फीड – ८ किलो
खनिज मिश्रण
दरमहा ३० ते ४० हजार खर्च