पुणे : भारतीय भाजीपाला संशोधन संस्थेच्या शास्त्रज्ञांनी मिरचीचे नवीन वाण विकसित केले आहे. या वाणास व्हीपीबीसी ५३५ असे नाव देण्यात आले आहे. या मिरचीची सरासरी उत्पादन क्षमता १३० ते १४० क्विंटल प्रति हेक्टर आहे. या विशेष जातीची किंमत सामान्य मिरचीपेक्षा ३ पट जास्त आहे. खरिप व रब्बी अशा दोन्ही हंगामात उत्पादन देणार्‍या या नवीन वाणापासून शेतकरी मोठा नफा कमवू शकतात.
मिरचीच्या या विशेष जातीचे नाव व्हीपीबीसी ५३५ असे आहे. त्यामुळे ती काशी सिंदूरी म्हणून ओळखली जाते. ही मिरची सामान्य मिरचीपेक्षा जास्त उत्पादन देते. या मिरचीचे उत्पादन रब्बी हंगाम आणि खरीप हंगाम दोन्हीमध्ये घेतले जाऊ शकते. या मिरचीच्या लागवडीसाठी हेक्टरी ४०० ते ५०० ग्रॅम बियाणे आवश्यक आहे. पिकाच्या सर्व बाबी विचारात घेतल्यास या जातीचे उत्पादन हेक्टरी १५० क्विंटल होऊ शकते.
कोणतेही पीक पेरण्यापूर्वी शेताची योग्य तयारी करणे आवश्यक आहे. तसेच मिरची पेरणीपूर्वी शेत तयार करताना हेक्टरी २० ते ३० टन कुजलेले शेणखत वापरावे. मिरचीच्या शेतात खत टाकल्यानंतर मिरचीच्या बिया पेरल्या जातात. पेरणीनंतर ३० दिवसांनी रोपे लावण्यासाठी तयार होतात. लावणी करताना प्रत्येक रोपातील अंतर ४५ सेमी, आणि प्रत्येक ओळीतील अंतर ६० सेमी असावे. विशेष बाब म्हणजे पेरणीनंतर अवघ्या ९५ ते १०५ दिवसांत मिरचीची ही जात पिकल्यानंतर तयार होते.
