सोलापूर : अत्याधुनिक तंत्रज्ञानाचा वापर करुन राज्यातील अनेक द्राक्ष उत्पादक शेतकरी निर्यातक्षम द्राक्षांचे उत्पादन घेवू लागले आहेत. याची प्रचिती निर्यातीसाठी नोंद झालेल्या शेतकऱ्यांच्या आकडेवारीवरुन येते. सरकारी दप्तरी असलेल्या नोंदीनुसार, यंदा राज्यातून तब्बल ४३ हजार शेतकर्‍यांनी निर्यातीसाठी नोंदणी केली आहे.
देशांतर्गत द्राक्षाला चांगले मार्केट असले तरी अनेक प्रयोगशिल शेतकरी निर्यातीवर जास्त भर देतात. निर्यातीतून राज्यात दरवर्षी २२०० ते २३०० कोटी रुपये मिळतात. गतवर्षी २०-२१ मध्ये ४५ हजार शेतकर्‍यांची नोंदणी झाली होती. यापैकी १३०० शेतकर्‍यांची दोन लाख ४६ हजार मे. टन द्राक्ष निर्यात झाली होती.
महाराष्ट्रातून विशेषतः नाशिक, सांगली, पुणे, अहमदनगर, सोलापूर, उस्मानाबाद, सातारा या जिल्ह्यांत निर्यातक्षम गुणवत्तेची द्राक्षं तयार केली जातात. यामध्ये नाशिक जिल्हा आघाडीवर आहे. एकट्या नाशिक जिल्ह्यातून ३५ हजार शेतकर्‍यांनी निर्यातीसाठी नोंदणी केली आहे. नाशिक जिल्ह्यातील ६ हजार, पुणे जिल्ह्यातील १३००, अहमदनगर जिल्ह्यातील ९५०, सोलापूर जिल्ह्यातील ७००, उस्मानाबाद जिल्ह्यातील ६००, सातारा जिल्ह्यातील ५०० व लातूर जिल्ह्यातून १५० शेतकर्‍यांनी निर्यातीसाठी नोंदणी केली आहे.
थंडीच्या काळात केळी पिकातील व्यवस्थापन कसे करावे?
मिरचीचे नवे वाण विकसित, प्रति हेक्टरी १४० क्विंटल उत्पादन
फायद्यासाठी रब्बी हंगामातील चारापिके लागवडीचे तंत्र जाणून घ्या
सुर्यफुलच्या भरघोस उत्पादनासाठी ही माहिती तुमच्यासाठी ठरेल फायदेशिर
हरभरा पिकाच्या बंपर उत्पादनासाठी ‘हा’ आहे तज्ञांचा सल्ला
गव्हाचे भरघोस उत्पादन घेण्यासाठी तज्ञांच्या या आहेत शिफारशी
थंडी कमी झाल्यानंतर उन्हाचा कडाका सुरू होईल व निर्यातीला चालना मिळेल, या अपेक्षेने राज्यातील दोन वर्षांच्या कोरोनाच्या प्रभावात युवक शेतकरीही द्राक्ष शेतीला जोडले असले तरी विक्रीसाठी देशभरात नेटवर्क तयार करण्याची गरज निर्माण झाली आहे. सध्या द्राक्ष निर्यातीला म्हणावा तितका वेग आला नसला तरी गुणवत्तेचा माल तयार करण्याकडे शेतकर्‍यांचा कल आहे.
देशभरात द्राक्षाला ग्राहक आहे; पण शेतकर्‍यांनर द्राक्ष विक्रीसाठी ‘नेटवर्क’ तयार करण्यावर भर दिला पाहिजे. यासह गुणवत्ता, ग्रेडिंग, पॅकिंग चांगली केली तर इतर राज्यांत मार्केटिंगची अडचण येत नाही, असा सल्ला तज्ञांकडून दिला जातो.