‘या’ एका कारणामुळे हळदीच्या दरात मोठी घसरण

सांगली : हळदीवर पाच टक्के ‘जीएसटी’ लागू केल्यानंतर सांगली बाजारात हळदीच्या दरात क्विंटलमागे हजार ते अठराशे रुपयांनी घट झाली आहे. गेल्या आठवड्यामध्ये सरासरी ९ हजार ९५० रुपये असलेला दर ८ हजार १५० रुपयांपर्यंत घसरला आहे.

गेल्या आठवड्या महाराष्ट्र अग्रिम अभिनिर्णय प्राधिकरणाने हळदीवर ५ टक्के ‘जीएसटी’ लागू होत असल्याचा निर्णय जाहीर केल्याने याचा थेट परिणाम हळद सौद्यावर दिसून येत आहे. खरेदीदारांनी हळदीसाठी बोलीच कमी लावली. सोमवारी सांगलीच्या बाजारात २२३ क्विंटल हळदीची आवक झाली, तर १ हजार ५६२ क्विंटल हळदीची विक्री झाली. सौद्यामध्ये किमान दर ५ हजार तर किमान दर ११ हजार ३०० रुपये मिळाला. दराची सरासरी ८ हजार १५० रुपयांपर्यंत उतरली आहे.

महाराष्ट्र चेंबर ऑफ कॉमर्सचा विरोध

महाराष्ट्र जीएसटीच्या अग्रिम अभिनिर्णय प्राधिकरणाने हळद ही शेतमालात समाविष्ट होणार नाही, असा निर्णय देणे हास्यास्पद आहे. तो राज्यातील हळद उत्पादक शेतकरी आणि व्यापार्‍ऱ्यांवर अन्यायकारक आहे. त्यास महाराष्ट्र चेंबर ऑफ कॉमर्स, इंडस्ट्री अ‍ॅण्ड अ‍ॅग्रीकल्चरकडून या निर्णयास विरोध केला जाईल, अशी माहिती महाराष्ट्र चेंबर ऑफ कॉमर्सचे अध्यक्ष ललित गांधी यांनी दिली.

• थंडीच्या काळात केळी पिकातील व्यवस्थापन कसे करावे?
• सातबारावर स्त्रीयांचे नाव हवे; वाचा सविस्तर
• रबर शेती कशी करतात तुम्हाला माहित आहे का?
• नोव्हेंबर महिन्यात ही पाच पिकं मिळवून देतील बंपर नफा
• मिरचीचे नवे वाण विकसित, प्रति हेक्टरी १४० क्विंटल उत्पादन