नागपूर : यंदा खरिप हंगामात सततच्या पावसामुळे मोठ्या प्रमाणात नुकसान झाले आहे. या पावसाचा फायदा रब्बी हंगामाला होणार आहे. यादृष्टीने अनेक शेतकर्‍यांनी रब्बीची पूर्व तयारी देखील सुरु केली आहे. रब्बी हंगामात गहू हे प्रमुख पिक आहे. या हंगामात गव्हाच्या कोणत्या वाणाची लागवड करावी? असा प्रश्‍न जर तुम्हाला पडला असेल तर आम्ही तुम्हाला अशा एका जाती बद्दल सांगणार आहोत, जी ८२.१ क्विंटल/हेक्टर दराने बंपर उत्पादन देते व त्याचे पिक १४३ दिवसात तयार होते.
DBW 222 करण नरेंद्र ही गव्हाची उत्कृष्ट जात आहे. ही आयसीएआर कर्नालने विकसित केलेली मुख्य वाण आहे. हे प्रामुख्याने उत्तर भारतातील राज्यांमध्ये घेतले जाते. जे उत्तम उत्पादनासह बंपर उत्पादन देते. गव्हाच्या डीबीडब्लू २२२ करण नरेंद्र जातीची पेरणी ५ नोव्हेंबर ते २५ नोव्हेंबर दरम्यान केली जाते. यात पंजाब, हरियाणा, दिल्ली, राजस्थान, पश्चिम उत्तर प्रदेश आदी राज्यांचा समावेश आहे.
करण नरेंद्र डीबीडब्लू २२२ ची सरासरी उत्पादन क्षमता ६१.३ क्विंटल/हेक्टर आहे. यासह, त्याचे संभाव्य उत्पादन ८२.१ क्विंटल/हेक्टर आहे. करण नरेंद्र डीबीडब्लू २२२ रोपाची उंची १०३ सेमी आहे. पेरणीनंतर सुमारे ९५ दिवसांनी ओंब्या येऊ लागतात आणि पेरणीनंतर सुमारे १४३ दिवसांनी परिपक्व होतात (श्रेणी: १३९-१५० दिवस), जे काढणीसाठी तयार होते. करण नरेंद्र डीबीडब्लू २२२ गव्हाची खास गोष्ट म्हणजे त्याची देठ खूप मजबूत असते, जी वार्‍यात पडण्यापासून गव्हाचे संरक्षण करते. याव्यतिरिक्त ते पट्टी आणि पानांच्या गंजण्यास प्रतिरोधक आहे. याव्यतिरिक्त, कर्नाल बंट (९.१%) आणि लूज स्मट (४.९%) साठी अत्यंत प्रतिरोधक आहे.
