नागपूर : अधिक उत्पन्नासाठी शेतकऱ्यांनी शेतीतही नवनवीन तंत्रे वापरायला सुरुवात केली आहे. आजकाल मध्य प्रदेशातील अनेक भागातील शेतकऱ्यांनी प्रगत पद्धतींनी लागवडीची तयारी सुरू केली आहे. या तंत्राने दुप्पट कमाई करता येते, तसेच प्रगत पद्धतीने शेती करून आपण आपली आर्थिक स्थितीही चांगली सुधारू शकतो, असा शेतकऱ्यांचा विश्वास आहे.
सध्या राज्यातील अनेक शेतकऱ्यांनी त्यांच्या शेतात सहपीक घेतले आहे. म्हणजेच एकाच शेतात एकाच वेळी दोन पिके घेणे. शेतकऱ्यांकडून मिळालेल्या माहितीनुसार, राज्यातील शेतकरी आपल्या शेतात मोहरीच्या लागवडीसोबत बारसीमची लागवड करत आहेत. त्यांनी शेतात मोहरीचे पीक घेतले आहे. त्याचबरोबर बेरसीम बियाणांची पेरणीही केली आहे. यामुळे उत्पादन आणि उत्पन्न तर वाढतेच, शिवाय पिकांवरील कीड व रोगांचा प्रादुर्भावही टाळता येतो.
राज्याच्या विभागीय कृषी संशोधन केंद्राचे शास्त्रज्ञही शेतकऱ्यांच्या या तंत्राला चालना देत आहेत. गेल्या तीन वर्षांपासून मोहरीसह बेरसीमची लागवड करणाऱ्या शेतकऱ्यांनी केवळ मोहरी पिकवणाऱ्या शेतकऱ्यांपेक्षा जवळपास दुप्पट उत्पन्न कमावले आहे, त्यामुळे यंदा अशा शेतकऱ्यांची संख्या वाढली आहे. सह पीकातून नफा मिळत असून, यात इतर पिकांच्या तुलनेत शेतकऱ्यांना सहपीकातून जास्त नफा मिळतो, एकाच वेळी दोन पिकांच्या उत्पन्नाबरोबरच भावही चांगला मिळतो, पिकांवर रोग किंवा किडीचा धोका वाढत नाही, पिकाच्या लागवडीसाठी फारशी जमीन आणि कष्ट लागत नाहीत अशी माहिती सहपीक घेणाऱया शेतकऱयांनी सांगीतली.
हे देखील वाचा :
