शेतकऱ्यांसाठी एक गुडन्यूज आहे. ती म्हणजे हवामानाची माहिती देणाऱ्या स्कायमेट या खासगी संस्थेने यंदाच्या हवामानाचा अंदाज जाहीर केला आहे. त्यात यंदा मान्सून सामान्य राहण्याची शक्यता वर्तविण्यात आली आहे. 2022 च्या मान्सूनच्या अंदाजानुसार, स्कायमेटने चार महिन्यांत (जून-सप्टेंबर) सरासरी 880.6 मिमी पावसाच्या तुलनेत यावर्षी 98 टक्के पावसाचा अंदाज वर्तवला आहे.
या राज्यांमध्ये कमी पाऊस पडू शकतो
स्कायमेटने अंदाज वर्तवला आहे की राजस्थान आणि गुजरातसह, नागालँड, मणिपूर, मिझोराम आणि ईशान्येतील त्रिपुरा संपूर्ण हंगामात पावसाची कमतरता असेल. याव्यतिरिक्त, केरळ आणि उत्तर अंतर्गत कर्नाटकात जुलै आणि ऑगस्टच्या मुख्य महिन्यांमध्ये कमी पाऊस पडू शकतो.
या ठिकाणी पडेल जास्त पाऊस?
स्कायमेट हवामानानुसार, पंजाब, हरियाणा आणि उत्तर प्रदेश, उत्तर भारतातील कृषी क्षेत्र आणि महाराष्ट्र आणि मध्य प्रदेशातील पाऊसप्रवण भागात सरासरीपेक्षा जास्त पाऊस पडेल. स्कायमेटने म्हटले आहे की हंगामाचा पूर्वार्ध उत्तरार्धापेक्षा खूपच चांगला असू शकतो.
कोणत्या महिन्यात किती पाऊस पडेल:
जूनमध्ये, LPA (166.9 मिमी) च्या तुलनेत 107 टक्के पाऊस पडू शकतो. साधारण 70 टक्के पाऊस अपेक्षित आहे.
जुलैमध्ये, LPA (285.3 मिमी) च्या तुलनेत 100 टक्के पाऊस पडू शकतो. साधारण पावसाची 65 टक्के शक्यता आहे.
ऑगस्टमध्ये, LPA (258.2 मिमी) च्या तुलनेत 95 टक्के पाऊस पडू शकतो. साधारण 60 टक्के पाऊस अपेक्षित आहे.
सप्टेंबरमध्ये, LPA (107.2 मिमी) च्या तुलनेत 90 टक्के पाऊस पडू शकतो. सरासरीपेक्षा कमी पाऊस पडण्याची शक्यता 70 टक्के आहे.
