सोयाबीनच्या भावात तेजी कायम; जाणून घ्या काय आहे कारण…

शेत शिवार । पुणे : पुन्हा एकदा कोरोनाचा वाढत प्रभाव आणि वाहतुकीतील काही अडचणींमुळे सोयाबीनची आवक अचानक कमी झाली आहे. परंतु त्याउलट मागणी वाढल्याने सोयाबीनच्या बाजारभावात २ दिवसांपासून तेजी पाहायला मिळत आहे. बाजार समित्यांत सोयाबीन दरात १०० ते १५० रुपयांनी वाढ झाली आहे.

चीनची सोयाबीन आयात ऑक्टोबर महिन्यात ४१.२ टक्क्यांनी कमी झाली आहे. मार्च २०२० नंतर ऑक्टोबरमध्ये चीनने सर्वांत कमी आयात केली. कोरोनाचा वाढता प्रादुर्भाव, वाहतुकीतील अडचणी आणि गाळपातील मार्जिन कमी झाल्याने चीनमधून सोयाबीनला कमी मागणी येत आहे. चीनने ऑक्टोबर महिन्यात ५१.१ लाख टन सोयाबीन आयात केली. तर त्याआधी ८६.९ लाख टन आयात केली होती. तर सप्टेंबर महिन्यात ६८.८ लाख टन सोयाबीनची आयात झाली होती. चीनने ऑक्टोबरपर्यंत यंदा ७९०.८ लाख टन सोयाबीनची आयात केली आहे.

राज्यातील सर्व समित्यांमधील सोयाबीनचा बाजारभाव