शेतकऱ्याचा जुगाड; बनवली 14 रुपयांमध्ये 100 किमी धावणारी इलेक्ट्रिक गाडी

- Advertisement -

नांदेड : अर्धपूर तालुक्यातील पिंपळगाव महादेव या युवा शेतकाऱ्याने जुन्या मोटारसायकलवर प्रयोग करून दोन वर्षांत चार्जिंगवर धावणारी दुचाकी बनवली आहे. तुम्ही फक्त 14 रुपयांमध्ये 100 किमी अंतर जाऊ शकता.

अर्धापूर तालुक्यातील पिंपळगाव महादेव गावात राहणाऱ्या 30 वर्षीय ज्ञानेश्वर उमाजीराव कल्याणकर यांनी इलेक्ट्रिक चार्जिंगवर चालणारी प्रदूषणमुक्त मोटारसायकल तयार केली आहे. 100 किमी अंतर चार तासांच्या चार्जवर केवळ 14 रुपयांमध्ये कापता येते. ही मोटरसायकल बनवणार्‍या बॅटरीच्या गुणवत्तेनुसार त्याची किंमत रु. 26,000 ते रु. 40,000 पर्यंत आहे.

पिंपळगावात महादेव शिवारात ज्ञानेश्वर आणि त्यांची भावंडं पारंपारिक पद्धतीऐवजी विविध प्रकारच्या फुलांची लागवड करतात. शेतीतून वाहतुकीचा खर्च निघत नसल्याने लॉकडाऊन मध्ये चार्जिंगवरील मोटारसायकल बनवण्याचा प्रयोग करण्याचा संकल्प करत विजेवर चालणारी मोटारसायकल तयार करण्याचे स्वप्न सत्यात उतरविले आहे.

4 रुपयांमध्ये 100 किमी चार्जिंग मोटरसायकल बनवण्यासाठी 40 हजार रुपये खर्च आला. ही मोटारसायकल मोटर 750 होल्ट, बॅटरी 48 होल्ट, चार्जर, कंट्रोलर, लाईट, एक्सलेटर, इलेक्ट्रिक ब्रेकसह वेल्डिंग वापरून तयार केली आहे. या चार्जिंग मोटारसायकलवर भविष्यात अधिक संशोधन केले जाणार असून 2000 वॅटची मोटार बसविल्यास खराब झालेला ट्रॅक्टर बाहेर ओढून काढता येईल. व्होल्टेज मोटर जितकी जास्त असेल तितका जास्त वजन ओढल्या जाते.

इंधनाचे वाढते दर आणि वाढते प्रदूषण या आज देशासमोरील प्रमुख समस्या आहेत. यावर पर्याय म्हणून आजकाल लोक पेट्रोल बाईक किंवा स्कूटरऐवजी इलेक्ट्रिक बाइकचा पर्याय स्वीकारत आहेत. तसेच अर्धपूर तालुक्यातील पिंपळगाव महादेव येथील तरुण शेतकऱ्याने शेतीची कामे, फुलबाजार आणि शेती वाहतुकीसाठी प्रदूषणमुक्त चार्जिंग मोटारसायकल आणि चार्जिंग बाईक बनवल्याचे ज्ञानेश्वर कल्याणकर यांनी सांगीतले.

हे देखील वाचा :

हे देखील वाचा